സുഖനിദ്ര

രാത്രി കിടക്കും നേരം
വെറുതെയൊരു നേരമ്പോക്കിന് അവൾ പറഞ്ഞു തുടങ്ങി
കഥയല്ലിത് ജീവിതത്തിലെ കദന കഥ.
ഉറച്ചപ്പിച്ചിൽ അയാൾ പറഞ്ഞു
ഇനിയും പറഞ്ഞാൽ നാളെ
നമ്മുടെ കഥ അതിൽ വരുമോ എന്തോ?!
കൺകളിൽ നീർച്ചാൽ പൊടിഞ്ഞവൾ
തിരിഞ്ഞു കിടക്കവേ
ആ സ്നേഹകരങ്ങൾ അവളെ പുണർന്നു കൊണ്ട് പതിയെ മന്ത്രിച്ചു
അല്ലെങ്കിലും ഏത് കഥകൾക്കാണ് ജീവിതത്തിലെ കഥയില്ലായ്മകളെ മാറ്റാനാവുക
രാത്രിയുടെ കൂരിരുളിൽ
തിരിച്ചറിവിന്റെ പ്രകാശം വീഴുന്നേരം അവർ വീണ്ടും ഒരു സുഖനിദ്രയിലേക്കൂർന്നു വീണു.
റീജ ശ്രീധരൻ